Zu Tréier kënnt Dir op deene verschiddene Mäert am Zentrum frësch regional Produkter kafen.
Jee no Maart bidde lokal a regional Händler Uebst, Geméis, Fleesch, Fësch, Kéis, Eeër, Blummen a méi un.

Stännege Maart
Um stännege Maart um „Hauptmarkt“ kënnt Dir vu méindes bis samschdes (ausser op Feierdeeg a bei Stadfester) virun allem Uebst, Geméis a Blumme kafen.

Wochemaart
Lokal a regional Produzente kommen an der Reegel dënschdes a freides fir de Wochemaart um „Viehmarktplatz“ zesummen. Hei gëtt et meeschtens Uebst, Geméis, Gebaaks, Epicerie fine, Fleesch, Fësch, Kéis, Eeër an Hunneg. Fält den Dënschdeg oder Freideg op e Feierdag, ass de Maart en Dag éischter. Ass de „Viehmarktplatz“ anerwäerteg besat, gëtt de Wochemaart um „Augustinerhof“ opgebaut.

Maart samschdes virum Doum
De Maart samschdes ass um „Domfreihof“. Nieft Uebst, Geméis, Kéis a Wurscht gëtt et och Produkter wéi Spillsaachen, Gezei a Bijouen. Wa Chrëschtmaart zu Tréier ass (Mëtt November bis Enn Dezember), plënnert de Samschdesmaart op de „Viehmarktplatz“.